Dove 多芬

雪糕感身體磨砂膏 (藍莓雪酪香)

最近成日覺得自己皮膚好似無以前咁滑，摸落去有啲粗粗地，仲有少少暗沉，特別係轉季之後，乾燥問題都幾明顯。
我自己腳跟、手肘同膝蓋嘅角質都比較厚，尤其係腳跟，有時真係會乾到鞋都覺得「卡卡哋」，所以一直都想搵款溫和啲，又唔會刮到痛嘅身體磨砂。
今次試咗 Dove 雪糕感身體磨砂膏（藍莓雪酪香），一開已經聞到好清新嘅藍莓香味 🍇，唔會太甜，反而有種似雪葩咁清爽嘅感覺，沖涼用真係幾療癒。
質地方面真係幾似雪糕，好綿密又滑，推開好易。入面啲磨砂粒係feel到有，但唔會粗到刮皮，係嗰種溫和慢慢帶走角質嘅感覺，就算用喺手肘呢啲位都唔會刺激。最加分係沖水好易沖乾淨，唔會有啲滑滑黏住嘅感覺。
用完即刻feel到皮膚滑咗好多，而且唔會乾，反而有種潤潤地嘅感覺，好似做完保濕咁👍
我通常會重點用喺腳跟、膝蓋同手肘，連續用幾次之後，真係會feel到啲死皮少咗，皮膚望落都乾淨同滑咗，唔再咁暗啞。
用耐咗之後，整體膚色都有改善，睇落健康咗同有光澤啲，著短褲短裙都冇咁尷尬🤣
總體嚟講，我覺得呢款磨砂膏幾值得推介，因為佢做到溫和去角質之餘，又有保濕效果，用落都幾安心，而且個香味真係好舒服。如果你同我一樣有粗糙或者暗沉問題，可以試下呢款～✨