LuLuLun

LuLuLun HYDRA-PD-MASK

見lululun出左PDRN面膜就試下！

💧 質感與剪裁：中規中矩、日常用 OK
官方話呢款面膜用左全新升級咗面膜布，實際用落質地確實係幾柔軟（對面之前勁硬果d進步左好多）！
精華量亦好充足、但唔會滴到周圍係。剪裁方面算係貼面，不過可能每個人面型唔同，對我嚟講未到完美無縫貼合，但以開架面膜嚟講，舒服度係過關嘅。


🧪 成分與使用感：吸收得快、勝在唔黏笠
呢款主打「雙重 PDRN」，聽落好勁。敷完 10-15 分鐘揭開，最值得讚嘅係佢嘅精華真係幾好吸收，表面清爽、完全唔會「漿住」或者黏笠。皮膚即時會有種飲飽水嘅飽滿感，後續上妝都幾順。

⏳ 持久度與效果：純粹日常保濕，未見驚艷
網上好多人話敷完可以 Keep 到一日水潤、甚至淡紋修復。但我自己用落，覺得佢嘅續航力其實同普通保濕面膜大同小異。即時補水效果有，但訓醒唔會有種皮膚好水潤既感覺。


💰 性價比：價錢親民，但未到必買
因為特價買一送一，性價比確實好高。如果你當佢係「每日代替化妝水」嘅平價急救補水面膜，或者想平平哋體驗吓 PDRN 成分，佢係合格有餘既！


【小總結 📝】
整體嚟講，呢盒面膜不過不失，日常基礎保濕、妝前補水絕對合格，而且勝在清爽。不過如果期待佢有咩神奇嘅抗老、美白或者修復神效就可能期望過高。對我嚟講算係「特價可以買嚟用，但未到必買回購」嘅產品～

#日系品牌