Curél

極護水精華

Curel極護水精華 — 詳細用後感

今次收到@Cosme邀請試用Curel極護水精華！真係好適合夏天使用！

質地：
半透明水凝啫喱，一推化水，延展性極高，一粒黃豆塗全面。吸收超快，拍兩下已食入皮膚，表面零油光零黐立，夏天用完全冇負擔。

即時保水：
搽完乾紋即時淡咗，鼻翼、眉心呢啲常甩皮位摸落變滑。水分係由內滲出嚟嘅潤，唔係浮面嗰種濕，柔嫩度即時提升。

即時舒敏：
面頰輕微泛紅，搽完約5分鐘減淡咗3-4成。下巴位成日痕痕哋，搽完之後痕癢感即時消失，舒緩效果算快見效。

長效鎖水：
朝早搽，冷氣房8小時後，面頰冇變乾，摸落仲保持柔軟。用咗3日後，鼻頭微細甩皮完全消失。鎖水力大約維持6-8小時，戶外暴曬建議中午補多層。

持續修復屏障（用咗兩星期）：
全面質感平滑咗，下巴額頭嘅粗糙粒粒減少。面頰持續泛紅範圍縮小約一半。本身間中會生敏感瘡（紅腫痛但冇膿頭），用後出現頻率降低，退得比以前快。洗完面後嘅繃緊感大減，角質層明顯強壯咗。

整體使用感：
無香料無酒精無色素，零刺激，連眼周都用得。泵裝設計衛生方便。用咗一個月，膚質由乾燥泛紅不穩定，進化到水潤均勻少發作。整體穩定、健康、水潤。

醫美後使用（海藻矽針微導入）：
做完當日皮膚發熱泛紅，返屋企厚敷3泵，15分鐘後發熱感大減，泛紅由關公臉變淡粉紅。之後幾日keep住用，脫皮期比以往短約1日，冇出現乾裂刺痛。


總結： 敏感乾肌夏天恩物，保濕舒緩零刺激，穩定膚況有驚喜。

#Curel極護水精華 #敏感肌保濕 #夏天護膚 #零黏膩 #降紅舒緩 #修復屏障 #香港夏天必備