Curél

極護水精華

今次抽到試用Curel 全新極護水精華，整體感覺幾唔錯，幾清爽又保到濕，尤其係d乾燥位好似有即刻補水嘅感覺。質地方面唔係嗰種痴笠笠、厚重嘅精華反而係偏水潤，推開幾快就吸收晒。

而家天氣皮膚屬混合偏乾，我都係照做日常潔面保濕程序，將原本嘅精華轉做用佢，之後再用面霜，都覺得保水度夠，冇咩甩皮或者起細紋情況。用完之後皮膚摸落變得滑咗，唔會有繃緊感覺，反而有返水潤嘅光澤感。

如果想補水但唔想太厚質地嘅佢係幾啱，因為佢嘅存在感唔係好重，但又真係有幫到皮膚穩定返。不過如果係超級乾需要厚敷嘅，可能就差少少。