Curél

極護水精華

感謝 @cosme 提供今次試用機會 🤍

【我嘅肌膚狀況】
我本身皮膚偏乾，長期有輕微泛紅嘅困擾，最慘係皮膚痕起上嚟真係忍唔住會捽，結果愈捽愈紅，搞到個臉成日紅卜卜。

【質地】
呢款精華嘅質地真係好驚喜，清爽到好似水咁，流動性極高，一推開就迅速被皮膚食晒，幾乎係秒速吸收！用完之後塊臉完全冇黏笠感，清爽得嚟又有足夠嘅滋潤度，就算係夏天用都覺得好舒服，完全唔會覺得有負擔。

【保濕度】
夏天用嘅話，保濕力啱啱好，唔會太潤又唔會唔夠，幾平衡。不過如果夜晚用，瞓醒第二朝起身就覺得保濕持久度爭少少，可能對於我呢啲偏乾肌嚟講，夜晚需要再搭多層保濕面霜先夠。但日間上妝前用的話，效果就幾好，妝容貼服之餘，粉底都冇咁易浮粉。

【舒緩泛紅】
用咗個幾星期，見到泛紅情況有微微改善，雖然未至於完全消失，但塊臉冇咁容易紅一撻，痕癢嘅感覺都明顯減少咗，唔再成日想捽面，呢點真係好加分！以短時間嚟講效果算係唔錯，我會繼續用耐少少，睇下長期用會唔會令泛紅退得更顯著，到時再同大家報告

使用前使用後