Curél

極護水精華

最近試咗 Curel 呢支極護水精華，總括嚟講我覺得佢算係一般好用。整體表現不過不失，平時用嚟做基礎保濕同鎮靜係幾好嘅，不過以香港依家呢個夏天嚟講，用落就覺得稍微有些少太潤。

質地方面，擠出嚟嗰陣感覺幾水潤，延展性高且好易推開，上面即時覺得水分滿滿，原本洗完臉那種緊繃乾燥感即刻消失，肌膚摸落去確實柔嫩咗好多。只不過佢吸收完之後會留下一層滋潤感，雖然唔算好黏膩，但喺夏天用就覺得存在感強咗少少，偏向適合秋冬或者長期留喺冷氣房嘅時候用。

長效保濕同舒緩效果係佢最值得讚嘅地方。平時吹得多冷氣或者換季，皮膚乾到有些少微紅同乾癢嗰陣，用佢可以好快降紅，止乾癢嘅效果幾顯著，亦都有效減少咗乾燥甩皮嘅情況。持續用咗一段時間之後，覺得整體膚況穩定咗，肌膚摸落冇咁粗糙，微發炎泛紅嘅問題都有所改善，修復屏障嘅表現算係平穩安心。我近期其實冇做任何醫美療程，只係當佢做日常保濕，但以佢咁低刺激同安全嘅成份，平時用落真係好舒服。

總括嚟講，佢係一支可以放心使用、補水同舒緩兼備嘅精華，整體膚況用完係有變得更水潤健康。只係夏天用真係太潤，留返天氣乾燥啲嗰陣用就啱啱好。

Before:After: