Curél

極護水精華

感謝@cosme提供試用全新的 Curél 極護水精華～

使用感受方面：
最近試用了Curél全新推出嘅微精華，第一印象係質地非常清爽，流動性高，推開後好快吸收，完全冇一般滋潤型精華的黏笠感！！用完皮膚有即時補水嘅柔潤感，但又唔會覺得厚重，即使之後再疊面霜都好舒服。
我自己最明顯感受到嘅係保濕同穩定肌膚方面嘅效果。因為最近病咗，免疫力下降，連同皮膚狀態都會好唔穩定，變得敏感，生咗一撻撻的紅印，應該係肌膚屏障受損的狀態。咁啱遇上呢次試用活動，連續使用一星期後，覺得肌膚水潤度維持得比較好，摸上去柔軟細滑咗，原本紅印的位置亦有改善，整體膚況穩定咗。
Day 1上圖拍照時明顯見到紅印和脫皮；Day 7下圖拍照時紅印已經消失，肉眼見亦有光澤^_^

另外喺呢種天氣悶熱嘅環境之下，我好喜歡清爽質地嘅精華。早上使用完全唔會影響底妝，反而令粉底更加貼服；晚上則可以配合面霜使用，感覺幫皮膚加強保濕，第二朝起身亦唔會覺得繃緊。作為一款主打肌膚屏障護理嘅精華，我覺得佢喺修復同埋穩定膚質方面，的確做得好出色，配合Curel 面霜，係我皮膚敏感期間絕對安心用嘅product !

整體而言，這支微精華令我感覺皮膚舒服咗，特別適合容易乾燥、泛紅，或者想做好日常保濕及屏障護理嘅朋友。質地輕盈、吸收快，而且一年四季都容易使用，係一支會令人想持續用落去嘅保濕型精華，大力推介俾有興趣試&有需要嘅朋友：）