Bioré

極淨溫感卸妝膏

多謝@cosme送出貨裝Bioré 極淨溫感卸妝膏試用❤️

質地：偏實淨嘅膏狀，首次用匙刮出嚟要用少少力。易推開，打圈按摩幾下好快就溶化，唔會有特別拉扯感，剛開始打圈感覺有微温，過一陣就唔太覺，應該係習慣咗，不過冬天用會暖暖哋係開心嘅😆

香氣：淡淡嘅柑橘味，唔係人工假甜味。添加甜橙精油，但因為氣味輕淡，只有喺鼻附近按摩時先會聞到，芳香療效未見顯著，但舒服。適合喜好天然，怕重香精或人工合成香味人士。

用法：簡單，按摩幾下已經溶解彩妝粉底，加水一秒即時乳化，過一過水就沖乾淨。可快速卸妝，唔需要長時間磨擦皮膚，減低敏感機會。

效果：比平時用卸妝油乳化時間快同埋沖水時間可以較短，沖水後感覺清爽，肌膚唔會感覺繃緊，夠保濕，眼見細紋冇咁明顯。
但用咗幾日，明顯見到鼻上多咗黑頭，唔知係咪因為浮咗上表面定係每月荷爾蒙嘅因素…

+加分位 隨卸妝膏附上嘅膠匙係可以磁吸喺蓋內！！呢個設計相當方便，唔驚會整唔見又唔會污糟～貼心🩷