Bioré

極淨溫感卸妝膏

多謝@cosme嘅 試用邀請。

之前都有用過Bioré嘅產品。包括防曬同 潔面產品，感覺一向唔錯。不過之前未用過佢哋嘅卸妝產品。
佢個容器設計得好人性化，可以好方便咁俾用家 一下掀起個蓋取出 卸妝膏。我一開個蓋最surprise嘅係佢嗰隻有磁力嘅膠匙羹 。因為我之前都用開一隻卸妝膏，我永遠都唔知點樣安置佢嗰隻匙羹，就咁擺喺個容器上面感覺都唔係好衛生。Bioré呢隻卸妝膏好好解決咗呢個問題。(上圖) 有磁力嘅羹，可以吸喺個蓋度。（上圖）打開蓋之後仲有一層密封嘅蓋，感覺好衛生。

質感同我預期差唔多。用法都係整少少喺塊面度，再輕輕咁樣再查勻成塊面，然後慢慢按摩，再之後加少少水乳化。最特別嘅係佢會喺皮膚上有少少溫熱感。曾經用過一啲清黑頭嘅洗面gel都有呢種溫熱感，唔知佢嘅作用係咪都係方便清黑頭？ 平日我大多數出街都係化淡妝。主要係有遮瑕，眼影，睫毛膏，畫眉，胭脂，唇膏等等。比較少用粉底液。

試用效果：↑落妝前：出咗成日街嘅妝，包括畫眉，畫眼線，搽睫毛液同遮瑕。
↑落妝後：冇任何化妝品殘留，落咗遮瑕之後可以清晰見到黑眼圈。↑落妝前：搽咗唔易脫色嘅唇膏
↑落妝後：唇妝完全甩晒

用後感：
其實佢效果算唔錯，按摩一陣就已經見到個妝已經洗走晒。平時幾難清潔嘅睫毛膏同眼線都清潔得到。我覺得清潔效果效果比S字頭潔面油更加好，洗完唔會殘留一啲黑色嘅眼線或者睫毛液嘅污跡喺眼下面，感覺都幾清爽。

唯一佢嘅唔好處係佢有少少難清洗。因為佢好似有啲似蠟咁，好似洗極都都有層薄膜，我起碼都要過三四次水先覺得完全清走啲卸妝膏。