Bioré

極淨溫感卸妝膏

識化妝同時都要識卸妝，大大話話都化咗妝10幾年，試過唔同嘅卸妝產品，每款卸妝產品都有優點同埋缺點，最後發現卸妝膏最適合自己，而今次試用的Biore卸妝膏，個人非常鍾意！

自己本身係混合乾肌，好鍾意化妝，遮蓋瑕疵，但長期帶妝會令我經常有黑頭粉刺，有時卸妝唔徹底更加會生暗瘡，令我十分困擾。

試用呢款Biore極淨溫感卸妝膏已7日，質地係膏狀，膏狀時不太易推，但加水乳化後變成偏油狀，十分易推，按摩時感覺到發熱嘅感覺，雖然只是短時間發熱，但感覺足夠深入毛孔，徹底潔淨。平時一般嘅卸妝膏卸眼妝會揦眼，但呢款卸妝膏卸眼妝溫和不刺激，亦未有令我眼睛致敏。卸妝膏同時有陣陣柑橘香氣，非常舒壓，而且洗臉後肌膚不感到乾澀，而且最重要係卸妝後沒有令我生暗瘡，足以證明卸得徹底乾淨。

整體而言，呢款卸妝膏十分適合我，我鍾意佢卸妝徹底不致痘，希望長期使用能夠令到皮膚更加穩定，黑頭粉刺減少，成為長期用家！