Bioré

極淨溫感卸妝膏

今次試用呢款卸妝產品，整體感覺比我預期中更加好，尤其係用完之後，唔單止覺得妝容卸得乾淨，連皮膚都覺得好左！

首先，產品嘅質地非常易推，按摩面部嘅時候延展性好，用少少已經可以卸到全面，而且唔需要用好大力，摩擦感同拉扯感都比較少，用起上嚟舒服好多。

潔淨力方面，我覺得表現相當理想，可以徹底卸走面上嘅彩妝，連平時好難卸既眼線筆都可以卸得幾乾淨。我覺得最神奇係我試係隻手畫左眼線筆、唇膏同埋眼影，再用呢盒卸妝膏卸走，眼線筆我真係捽左勁耐都唔甩，我狂捽都仲係到，我以為呢盒卸唔到眼線，點知我一沖水勁神奇即刻冇左🤩唔知點做到！

保濕力亦係我幾喜歡嘅一點。以往有啲卸妝產品用完，肌膚會覺得乾澀或者繃緊，但呢款用完之後，皮膚仍然保持水潤柔嫩，冇明顯乾燥感，仲有少少光澤感。

另外，產品帶有淡淡清香，卸妝時聞到係舒服、自然嘅香氣，唔會過分濃烈，整體感覺溫和，冇特別不適，日常使用都幾舒適。

同過往使用過嘅卸妝產品相比，我亦幾欣賞佢唔需要再倒卸妝水落化妝棉，少咗一個步驟之餘，亦可以慳返化妝棉，對我嚟講係幾方便嘅使用體驗。

持續使用一段時間後，我最明顯嘅感受係肌膚摸起來更加平滑細緻，整體膚質感覺有改善，皮膚亦似乎更有光澤。總括而言，呢款產品最吸引我嘅地方，就係用完唔只係「卸乾淨」，而係會令人覺得皮膚狀態好咗，變得更細滑、有光澤，係今次試用中我最喜歡嘅一點。


仲有好鍾意佢既磁吸設計！超方便呀～～～