THREE

平衡淨透潔膚卸妝油

好多謝 @cosme 能夠抽中我成為 THREE 全新升級 - 平衡淨透潔膚卸妝油 試用者之一💕

我本身係乾肌，平時返工長期喺冷氣房做嘢，成日吹住，皮膚比較容易感到乾燥。同埋而家雖然係秋天，但天氣都仲係好熱好曬🔥，成日好大太陽🌞，導致我日日都要keep住搽防曬，因為驚曬黑咗同曬到出雀斑😖。

所以今次呢款全新升級 - 平衡淨透潔膚卸妝油就好適合我呢類情況使用🤩 因為我幾乎日日都搽防曬，所以成日都需要用到卸妝產品。

卸妝油包裝樸素簡潔，膠樽輕便。而且成份天然，融合左12種精油同6種親膚植物油，能夠深層淨化，溶解角質和黑頭，同時保濕潤膚，鎖水修護，達到養膚功效👍🏻

潔膚卸妝油輕盈柔滑，顏色淡黃，流動性ok，搽上臉後容易推開，唔會刺激到眼睛。帶有淡淡草本香味，好清新，令人感到放鬆舒服。加水後乳化速度快。

而清潔力方面，卸得好乾淨，塊臉唔會有殘留油感，而且塊臉唔會好繃緊同乾燥，反而會有透亮同滋潤感，用後亦冇皮膚敏感。