SOFINA Primavista

重點控油修飾棒

今次試用 SOFINA Primavista BLACK 重點控油修飾棒。佢包裝用咗鋼琴漆面，望落幾靚，加上細細枝帶出街好方便。質地方面，雖然主打控油，但佢本身帶有少少油份，泛油光嘅地方一搽上去係會即刻抹走，但又唔會收乾皮膚，感覺舒服。至於修飾毛孔，如果本身毛孔太大就唔會完全遮得晒，但大約都有七成效果，望落係平滑咗。另外分享個小習慣，因為修飾棒會直接掂到面，我每次用完都會喺手背來回擦幾下，去掉表面沾到嘅油污，咁就可以 keep 住乾淨。整體來講算係幾新穎方便使用。