SOFINA Primavista

重點控油修飾棒

多謝@ cosme抽中我試用Sofina新產品“Primavista BLACK 重點控油修飾棒”! ​我自己本身係典型嘅夏天混合偏油肌，一到呢啲悶熱天氣，T字位就好易出油，鼻翼兩側嘅毛孔亦都幾粗大

​首先想讚吓佢嘅設計，黑色簡約包裝細細支，外型同大細都好似一支唇膏，放入手袋完全唔佔空間，帶出街或者帶去旅行用都好方便！
​我喺妝前將佢塗抹喺最易出油嘅 T 字位同鼻翼。佢嘅質地都幾舒適輕薄，搽完之後個部位即時變得啞緻同平滑，而且完全唔會影響之後上妝，冇同後續嘅化妝品打交。我之後嘅底妝其實好簡單，淨係上咗粉餅、胭脂同 highlight。

我覺得佢對修飾毛孔嘅效果未算好突出，大概遮到2 3成，粗大毛孔依然睇得到，但佢嘅控油持妝力就真係要讚！我實測當日天氣好悶熱(大概31度)，同埋出入冷氣地方同喺條街度行街。經過 8 小時之後，完全冇補妝嘅情況下，T字位居然冇變到油田，只係出咗少少自然嘅油光。

適合有 T 字位鼻翼有出油煩惱嘅人。


素顏：

上修飾棒後：

上妝後：
出街8個鐘後：