SOFINA Primavista

重點控油修飾棒

感謝@cosme邀請試用Primavista Black重點控油修飾棒~
我本身係混合性油肌，加上每日都會化妝，通常過咗三四個鐘之後，T字位都會開始出油，尤其是而家夏天，八個鐘之後成塊面都充滿油光，一直都唔能夠有效咁解決呢個問題，亦都有試過唔同嘅控油底霜，但效果都未係好顯著。今次有幸試到Sophia Primavista Black重點控油修飾棒，終於都解決到我嘅問題。
首先佢包裝上面，一支類似唇膏嘅size，細細支好方便試用，而且出街補妝攜帶都好方便。只需要搽係容易出油嘅位置，T字位等等地方，然後再上妝就可以。佢不但能夠控油，而且能夠修飾凹凸毛孔，一舉兩得。
連續使用咗幾日之後，發現佢嘅質地好輕薄，搽上面亦好貼服，又可以撫平我嘅凹凸毛孔，而且過咗三四個鐘之後，都冇平時咁油光嘅跡象，而長達一整日之後，只係造成少少泛油，對比起之前已經有大大嘅改善。呢支控油棒我認為性價比好高，絕對會再回購使用！