SOFINA Primavista

重點控油修飾棒

最近@cosme 邀請試咗 SOFINA Primavista BLACK 重點控油修飾棒，個人覺得幾方便，成日出油嘅人應該會幾啱用。佢個質地幾輕薄，上面唔會有厚重感，搽上去都幾順滑，好容易推開，而且貼膚感都唔錯，用完之後唔會影響原本個底妝。

控油方面我覺得表現不過不失啦，平時我去到中午T字位一定會開始泛油，但用咗之後出油慢左，個妝都keep得耐咗，冇咁易溶到一撻撻。唔係完全唔出油，但已經明顯穩定咗好多，夏天用都幾有幫助。

毛孔修飾方面就正常效果啦，鼻翼同鼻頭位，搽完之後會有少少柔焦效果，不過如果毛孔比較粗大，就係自然修飾感，唔會完全遮晒，但日常都算夠已用。

另外我幾鍾意佢夠細支，好方便帶出街，補妝都好簡單，直接搽喺出油位，再輕輕印一印就搞掂，唔使另外拎粉或者工具，幾適合忙嘅時候用。

如果你係混合肌或者油肌，呢支價錢唔貴都可以一試。😂