SOFINA Primavista

重點控油修飾棒

感謝@cosme邀請試用🫶🏻

呢支控油毛孔修飾棒，主打針對T區、鼻翼等出油多嘅位置，可以妝前用，都可以上完底妝之後直接用嚟補妝。可以壓抑油光，同時柔化毛孔！

佢係全黑簡約嘅外殼，細細支好方便平時帶出街補妝。旋轉出芯嘅設計，唔使另外拎化妝刷，可以直接捈。固體棒狀質地，好容易推開，質地柔滑輕薄，冇好厚重嘅膏感。上手推開會化做細緻霧感薄膜，好緊密咁貼合肌膚，唔會起粒粒。

呢支控油毛孔修飾棒可以有效壓抑油光，維持肌膚乾爽，能夠輔助延長底妝的持久度，減少出油造成的融妝、油亮。佢亦都可以視覺柔化毛孔紋理，透過細緻霧感將毛孔做填補柔焦，令膚面睇落更平整平滑。屬於妝效上嘅修飾，毛孔睇落會更唔明顯。

我覺得佢上臉嘅感覺係好舒適，冇悶膚或者緊繃嘅感覺，上完之後係清爽霧面，唔會有厚重嘅膜感。我建議薄薄地捈就好啦，唔好反覆咁捈。我覺得佢係好適合混油或者油性肌膚做局部控油或者鼻翼毛孔粗大嘅人，可以妝前局部用，或者補妝！

小小嘅提醒！
佢只係控油產品，唔可以做到完全唔甩妝，如果好大量咁流汗，都係需要簡單補下妝嘅～