KANEBO

持色魅光塑形唇膏

多謝 KANEBO & @cosme 提供試用機會！今次收到係 持色魅光塑形唇膏 EX-01💄 一開盒其實見到個深色即刻有啲擔心：咁深色會唔會夏天用唔到？ 但係用咗之後真係俾咗我驚喜！

💛 顯色/上色效果
一搽就上色，而且質地好柔滑，唔會有難推、拉扯嘅感覺。
因為筆身偏幼身，所以勾勒唇邊位、描到唇形稜角都好容易，唔易出界，新手都算好上手。

💛 質地/妝感：滋潤鎖水 + 少少霧感
我覺得佢最特別係「滋潤鎖水」同「有霧感嘅質感」兩者平衡得幾好。
雖然加入咗少少閃粉，但係個感覺係高級光澤、唔係誇張嗰種；日常用都唔會覺得 over，反而會令到整體更有精神、更顯血色。

💛 日常適用性、唔化濃妝都👌🏼
佢蘊含 「5R 活力基底 Vibrant Base」紅潤基調，所以即使唔化濃妝，日常搽都覺得好自然。
色彩同膚色融合得幾好，特別係會令膚色更精神、氣色更健康。

💛 持久度/耐摩擦
我平時會每日出門前搽上，通常可以 keep 到 lunch 時間左右。整體唔算易脫色，而且耐摩擦。就算飲水之後，依然覺得唇部保持滋潤，冇乾紋同粗糙感，搽落好舒服。

🧡平時用開嘅唇膏有時會偏乾、又較易甩色。但係呢支 KANEBO 令我最驚喜唔止有水潤同紅潤感，更令到整體有精神同血色，呢點真係我意想不到。我諗一年四季都岩用🧡