KANEBO

持色魅光塑形唇膏

多謝cosme 給予試用KANEBO Rouge Star Drama 唇膏。

試用色號係D203 ，屬於豆沙色。

妝效與色彩： 搽出黎嘅效果有驚喜，搽完唇色同唇膏本身顏色冇乜色差，而且唇膏幼身嘅設計令我唔使用唇線筆都可以勾劃出完美唇形，出黎效果自然顯色，呈現血色感同自然色彩鮮艷感。

光澤與質地： 質地順滑且帶有點厚度，滋潤度都算唔錯，即使唔用護唇膏打底都能滋潤雙唇、瞬間將唇紋隱形，而且有光澤感。

貼合度與持久性： 呢款唇膏同一般主打水潤卻容易甩色嘅唇膏唔同，佢唔係染唇膏，亦唔同有色潤唇膏。搽咗上去就好似喺咀唇表面形成一層保護色膜，即使飲完水或者用紙巾印完都冇乜甩到色，搽咗一個鐘之後都能維持原有色彩，但就開始有d 乾，如果要維持滋潤度，就可能要再補搽啦。

與其他唇膏嘅分別：
市面上嘅水潤型唇膏往往在保濕、顯色與持久度上難以兼得，唔係容易甩色就係容易起皮。但 KANEBO 呢款唇膏能夠將「滋潤」與「持色效果」完美結合。呢種兼具修護與色澤嘅表現尚算出色。