KANEBO

持色魅光塑形唇膏

多謝@cosme同KANEBO俾我試用ROUGE STAR DRAMA持色魅光塑形唇膏 限量色EX-2（Spicy Pink）💄

唇膏帶微細珠光，睇落好高級✨。質地初時有啲難形容，唔係傳統油潤，亦唔係全啞緻，推開順滑，上嘴呈現一種「柔焦光澤感」，輪廓會被自然勾出，立體感幾突出。

今次特登拍低使用前、塗一層同塗兩層嘅對比（見附圖）。我本身嘴唇偏乾、唇紋明顯，薄塗嗰陣已經見到顏色好少女，係粉珊瑚調，光澤感柔和；塗兩層後顏色更飽和，立體感更強，但唇紋亦會稍微顯露少少，算係「美麗嘅代價」。顯色方面，我唇色偏深，呢隻色喺我嘴上會被「壓暗」少少，感覺這顏色更適合白晢皮膚的姐妹們。

滋潤度初上嘴OK，唔拉扯，但幾個鐘後會有少少緊繃感，尤其我嘴唇偏乾，後期我會先搽潤唇膏打底，狀態好返好多。持色力中等，飲水有輕微印杯，食嘢會褪少少，補妝都算方便。

總括嚟講，呢枝勝在光澤同立體感做得好自然，適合想唇形更立體、鍾意少女感光澤唇嘅人，但深唇色或乾唇建議做好打底。