SOFINA iP

微米碳酸瞬亮洗顏慕絲

多謝@cosme抽中我，可以試用 SOFINA iP 全新升級「微米碳酸瞬亮洗顏慕絲」。

自己一向偏愛用泡泡類型嘅洗面產品，因本身係混合性偏油性肌，有時都會容易敏感。夏天T-zone易出油，雙頰時乾時油，而毛孔都偏大，好多時候洗完臉，雙頰都容易泛紅。如果唔化妝，大概一個鐘後就開始出油。

呢款洗顏慕絲感覺上似cream狀，比起其他類型嘅泡沫洗面較為豐盈厚身。個人第一次使用時，誤將泡沫推開，同平時一樣打圈洗面，發現清潔能力不太足夠。後來跟返產品說明，盡量唔用力搓破泡沫，輕輕地塗抹於臉部，因為原來咁樣可以保留最多嘅碳酸量，先可以滲透以及發揮最佳效果。

已keep住用咗差不多兩星期，整體嚟講都覺得幾清爽，未搽lotion之前也可感覺到臉上有相當高嘅保濕度，有少少似敷完mask，有潤澤感，而潔淨程度都算唔錯，算是性價比較高的潔面選擇。