IPSA

AQUA 神級水精華

多謝 @cosme 邀請試用 IPSA 全新升級 AQUA 神級水精華（連 IPSA 化妝棉一盒）！

我連續用咗一個幾星期，再同大家分享我的真實體驗。

先講吓我塊面嘅困擾——典型「外油內乾」、水油失衡，乾起上嚟會掉皮，但 T 字位又局部泛油，搞到上底妝一時卡粉一時反光，好難服侍。加上香港夏天成日都熱到爆，皮膚容易泛紅；office 同屋企又全日開住冷氣吹，水分俾抽到乾晒，塊面又冇水、又泛黃暗沉，好頭痕。

IPSA 全新升級 AQUA 神級水精華質地透明水狀，清爽，流動性勁高，好易推開，吸收速度都好快，無香味，即係無不必要香料。搽上面之後嗰種清爽好啱夏天用——唔會痴笠笠，但又唔會「一陣風乜都冇」嗰種假滑，反而係實實在在有種「飲飽水」嘅飽滿感。

我鍾意係化妝前用化妝棉濕敷 10 分鐘，等皮膚補夠水先上妝。尤其夏天塊面好易泛紅，敷完之後退紅退咗好多，個效果明顯比起淨係當爽膚水直接拍上面好——呢一步真係做咗同冇做爭好遠。而隨附嗰盒化妝棉都要記一功：觸感極致柔軟，一抹上面就好舒服、完全冇摩擦感，加上吸水力好又夠厚度，濕敷起上嚟好就手。之後再上後續嘅護膚品同底妝，都唔會打交、唔會起擦子膠碎，銜接得好順。

講到效果，用咗一個幾星期，我覺得塊面嘅乾紋淡咗，泛黃暗沉都有輕微改善，最實在嘅係整體皮膚狀況穩定咗，冇再喺冷氣房入面乾一輪、泛紅一輪。呢啲改變唔算戲劇性，但係一種「底子慢慢打好」嘅感覺，對長期困擾外油內乾嘅我嚟講，已經好收貨。如果你都係成日困喺冷氣房、水油失衡嘅打工仔，呢支補水配埋濕敷，值得一試。
透明水狀，清爽，流動性勁高，好易推開，吸收速度都好快，無香味，即係無不必要香10秒推開已好吸引