IPSA

AQUA 神級水精華

感謝 @cosme 邀請試用 IPSA 全新升級 AQUA 神級水精華💙

我皮膚係混合偏乾。平時化妝後都習慣用卸妝膏清潔，雖然洗得乾淨，但後續保濕做得唔夠嘅話，面頰同鼻翼會容易甩皮，下巴有時會生痘痘或者暗粒。而家夏天成日長時間吹冷氣好易水油失衡，令兩邊面頰乾燥緊繃。有時出完汗，皮膚容易泛紅不適🥲

今次有幸試用IPSA呢枝新升級神級水精華，我覺得佢比起平時用開嘅toner更加滋潤！洗完面後用，就算只係搽薄薄一層，都已經即時補充好水份，飽滿嘅感覺，唔會覺得乾或者緊繃~佢嘅質地非常清爽輕滑，上臉完全唔會黏笠，吸收得幾快✨而且佢無香味、感覺冇添加香料落去，搽上面唔會有刺激嘅感覺，温和咁幫皮膚飲飽水，用落好安心！

令我最驚喜係佢嘅水潤續航力，呢幾日就算冇用精華，塊面長期吹冷氣都依然保持水潤💦面上嘅泛紅敏感都少咗，出完汗用佢皮膚好快就舒緩晒，肌膚變得光滑咗！用咗一星期整體皮膚柔嫩咗、有返健康嘅透明光澤感，膚況穩定咗好多🥰非常推薦敏弱肌試用！

清爽度：⭐️⭐️⭐️⭐️
保濕鎖水：⭐️⭐️⭐️⭐️⭐️
改善泛紅：⭐️⭐️⭐️⭐️
光澤感：⭐️⭐️⭐️
膚況穩定度：⭐️⭐️⭐️⭐️