NIVEA

保濕輕盈高效防曬乳液

首先感謝@cosme抽中試用NIVEA嘅保濕輕盈高效防曬乳液SPF50+ PA++++☺️

一直以來，作為一個濕疹敏感肌嘅人，要搵到一支啱心水又唔會引起敏感又清爽嘅防曬真係好難。今次好開心可以參與呢個試用活動！✨呢支防曬真係有驚喜！最欣賞佢嘅質地真係非常輕薄，推開之後吸收得好快，完全唔會泛白，而且一啲都唔會感覺好黏笠。雖然推開後表面會留低少少微黏感，但以高防曬系數嘅產品嚟講，已經算係非常清爽，對我呢種易敏感嘅膚質嚟講負擔好低，連續用咗一段時間都冇出現敏感不適嘅情況，感覺好安心！🌿

另外，佢嘅保濕效果都好出色，入面加咗透明質酸同維他命C，係戶外活動返嚟之後，皮膚都依然保持水潤，冇出現平時曬完太陽之後嗰種繃緊乾燥嘅感覺☀️👍🏻

最加分嘅係佢仲係海洋友善配方，冇添加會傷害珊瑚嘅成分，去海灘玩水都可以玩得開心又環保，零負擔咁保護皮膚！🌊🐢

呢支防曬係無論係日常返工定係戶外活動都非常適合，特別推薦俾追求輕透質地又驚笠嘅濕疹敏感肌朋友仔試下🥰❤️