NIVEA

保濕輕盈高效防曬乳液

多謝 @cosme 送出 NIVEA 保濕輕盈高效防曬乳液 SPF50+ PA++++

每日出街前一定會搽防曬，尤其夏天更加需要。一支防曬除咗防曬功效，質地舒唔舒服都好重要！就睇吓呢支新版防曬嘅表現係點樣。

我本身皮膚偏乾，T字位較油，夏天好容易出汗，所以唔太鐘意防曬太黏，出汗之後會容易甩，不斷補都搞唔掂。

呢款 NIVEA 保濕輕盈高效防曬乳液採用德國防曬科技空氣UV光盾，提供 SPF50+ PA++++ 高效防護，有效抵禦 UVA、UVB 及長波 UVA，高效預防曬黑、曬傷、曬後斑點和老化。

佢仲加入維他命C 同透明質酸，採用 CITRACELL-PROTECT™ 保濕技術，令曬後肌膚不會脫水乾燥。

最緊要佢有防水防汗配方，質地輕盈且速乾唔泛白，加上無添加珊瑚危害成分，去海灘玩水都可以放心使用。

佢嘅質地係乳液，水潤易推開，順滑易吸收，搽上皮膚上冇乜油膩嘅感覺，輕盈清爽，而且真係冇泛白問題。外出及流汗之後，防曬效果令人滿意，皮膚冇乜曬黑，防水防汗表現唔錯。保濕方面都真係幾好，日曬之後皮膚都仲保持水潤。

呢支防曬除咗適合日常外出及戶外活動外，玩水都啱用，價錢又唔貴，一支搞掂晒真係幾抵。

總結嚟講，NIVEA保濕輕盈高效防曬乳液 性價比高，值得回購。今個夏天我會繼續用，一支搞掂晒防曬又保濕。