NIVEA

保濕輕盈高效防曬乳液

多謝@cosme 選中我試用新推出嘅Nivea 保濕輕盈高效防曬乳液！

我本身皮膚偏乾，日曬易有斑，細個唔識保養有雀斑，大個左就出門必搽防曬，但又好怕杰身嘅防曬產品⋯難攪！

收到@cosme試用品時，正值掛八號風球前夕，不適宜進行水上運動，但打風前嘅酷熱又無風嘅天氣，好適合我測試Nivea 保濕輕盈高效防曬乳液嘅質感同體感！佢嘅質地輕柔清爽水感、不油膩、迅速吸收，塗上皮膚時好舒服，好易塗勻，唔會泛白，乳液stay晌皮膚上好爽，唔會黏住，阻塞毛孔。佢防曬度數有SPF50+ PA++++，晌猛烈太陽下走動，防曬效果都好好。打風之後，又一直落雨，真係要問一句：唔通連個天都唔鐘意我？無得去戲水，唯有搽完防曬外出後，返屋企沖涼時試防水啦！成功跣水，過關！呢支防曬主打戶外及水上/海邊活動，並強調成份有效防曬護膚嘅同時，對海洋生物友善🐳🐬🐠美麗嘅海洋，需要人類嘅珍惜同愛護，尤其是脆弱嘅珊瑚，對好多一般化學防曬嘅成份好敏感，好感謝Nivea研發產品時考慮埋呢一樣野，令熱愛水上運動嘅用家可以有一個高CP值又唔會影響海洋伙伴嘅選擇！

Nivea 保濕輕盈高效防曬乳液加入維他命C同透明質酸，加強保濕力，日曬後仍保持水潤，皮膚唔乾燥，亦令佢stand out from 同類型防水防曬產品。

總括嚟講，Nivea 保濕輕盈高效防曬乳液具高防曬力，不泛白，觸感輕柔，防水防汗，為肌膚保濕仲對海洋環境友善，非常推薦俾喜歡上山下海嘅朋友！

最後再一次多謝@cosme 送我一個愉快嘅試用體驗😊