CLARINS

賦活雙萃精華眼霜

感謝cosme抽中我試用熬夜黨必入既Clarins全新升級版賦活雙萃精華眼霜 ── 眼霜 + 眼精華 1+1>2
呢支主打將眼霜嘅滋潤同眼精華舒適感效果完美二合一，黃金比例一泵搞掂，使用十分方便。

質地：
一泵就擠出2:1精華加眼霜黃金比例，用手指輕輕混合，質地水潤又有足夠嘅滋潤感，推開瞬間被眼周肌膚即刻吸入去，完全唔會笠導致生油脂粒。我最怕用質地太厚嘅眼霜會搞到眼底起擦膠碎，但太清爽又會卡粉、現乾紋。但呢支質地雖然輕盈到好似精華咁，但因為入面有眼霜成份，妝前用佢薄薄搽一層，之後上遮瑕或者粉底都依然勁順滑，全日都唔卡粉！


用後感：
入面加入咗煙酰胺、薑黃同七葉樹等皇牌成分。好多夜訓、成日對住電腦嘅打工仔都好岩用。我本身眼周有細紋、有嚴重黑眼圈，仲成日水腫，連續用咗7日之後，朝早起身最明顯係對眼冇咁腫，連帶黑眼圈同眼底暗沉都好似白咗，望落去醒神好多！最令我驚訝既係細紋係有減少到，可能係我平時皮膚太乾啦，呢支保濕度幾好，所以的確減到乾細紋。而黑眼圈就睇圖啦，iphone原圖直出都見到冇咁暗沉。

抵讚既係：
旋轉泵頭好貼心，樽蓋上面有得轉大小滴，可以按當日眼周嘅乾燥程度去調節分量（例如冬天或者夜訓用大滴，夏天用細滴），設計真係好人性化。

改善位：
雖然有得揀大小滴，但如果手殘或者一唔小心按得太大力，可能會擠出多咗份量，如果唔想嘥咗，唯有順便連埋頸紋或者法令紋一齊搽埋。佢去頸紋同虎紋都好好架！因為佢質地易推，所以一大滴都可以輕鬆用哂成塊面同頸