CLARINS

賦活雙萃精華眼霜

非常多謝@Cosme邀請試用Clarins既全新升級版 賦活雙萃精華眼霜！

由於皮膚已經到咗輕熟齡肌，我特別重視保養，尤其眼部周圍係我重點保養既位置，皆因我成日忍唔到手捽眼，又成日捱夜睇波，令到我眼底長期好乾、有好深既黑眼圈同有細紋，化起妝上嚟都幾困擾⋯今次就試下Clarins呢支新版精華眼霜同舊版有咩分別啦~

膚質：混合性偏乾

新版同舊版樽身都係可以調較泵既份量，基本上細泵已經好足夠用喺眼部。試上手目測都好相似，都係精華同眼霜既混合物，新版既橙色精華比舊版深色，抹開舊版質地比新版厚身少少。印喺眼底新版感覺比舊版更易吸收，同時眼底一樣會即時潤澤令乾紋無咁明顯。

使用方法：早晚各用一次，吱細泵mix埋精華同眼霜，輕輕印喺眼底同眼部周圍

試用咗5日，雖然未見到有好即時明顯減淡細紋同黑眼圈既效果，但係保持眼底滋潤方面幾好，保持柔嫩，望落精神咗，出街化妝上咗遮瑕膏啲細紋無咁明顯，都唔會卡粉！最緊要係無出現敏感反應或者生油脂粒。

建議使用季節：新版質地容易吸收，四季都適合使用，不挑膚質

呢支精華眼霜我會繼續用，再睇下長期效果會唔會更明顯，始終新版比舊版加入咗更多針對擊退黑眼圈色素既萃取，希望可以減淡埋我既熊貓眼！總括黎講，呢支係高質既精華眼霜，平時眼霜同精華要分開買，宜家一支二合一就做到晒，都係一件幾高性價比既產品嚟既。