CLARINS

賦活雙萃精華眼霜

以前成日覺得眼霜搽唔搽都差唔多，但過咗30之後真係唔敢再咁諗😂

平時返工長時間坐Office，基本上由朝到晚都對住電腦，加上冷氣長開，眼周特別容易乾。最煩係一乾就會顯細紋，朝早化妝仲好好地，去到下晝眼底就開始卡粉，黑眼圈睇落都好似更加明顯🥲

多謝 @cosme 今次俾我試用 Clarins 全新升級版賦活雙萃精華眼霜💕

其實我本身已經用過Clarins舊版，所以今次新版反而幾容易比較到分別。第一樣最有感係質地比以前清爽，搽上眼周好快吸收，唔會油笠笠，但又唔係嗰種「吸收完好似冇搽過」嘅感覺，滋潤度依然好夠。

連續用咗一段時間，朝早最明顯係眼底冇咁乾，摸落比較柔滑，上妝亦貼服咗。就算成日坐喺冷氣房，去到下午眼周都仲keep到滋潤，乾紋冇以前咁突出。

我本身其實幾怕太rich嘅眼霜，因為之前試過搽到眼周生一粒粒油脂粒😅 所以今次一開始都有少少擔心。好彩呢支滋潤得嚟唔厚重，用落亦冇令油脂粒問題加劇，反而之前嗰啲小粒粒慢慢冇咁明顯，呢點幾有驚喜。

另外我懶人魂都幾欣賞佢將精華同霜結合埋一支😂 唔使瓶瓶罐罐搽幾層，有精華嘅輕盈感，又有眼霜嘅滋潤度。

如果同我一樣係30+ OL，長期對電腦＋坐冷氣房，又開始發現眼周愈來愈乾，我覺得呢支係幾舒服、亦幾容易每日堅持用落去嘅一支💕