CLARINS

賦活雙萃精華眼霜

身為一個每次上妝，眼周必定卡粉起紋既人，依款眼精華兼眼霜真係我既救星！雖然Double Serum Eye唧出黎講唔上輕盈，不過搽上眼瞬間吸收，感覺零負擔。我平時最怕產品唔吸收，長時間留喺塊面嗰種黏膩感，攪到個人好唔自在。好在Double Serum Eye無依個缺點，而且吸收後對眼好快回復清爽。最正就唔會同之後既底妝打架，反而喺眼位既粉底變得勁貼服。

Double Serum Eye更加係懶人既福音，因為佢將眼精華同眼霜二合一，慳時間唔需要搽兩次。對於趕住出門口既我，真係好幫到手，減省護膚程序得黎，又可以靚靚出街。而且，每一泵精華同乳霜既比例又調校得剛剛好，完全歸功於佢獨特既泵頭設計，巧妙地將精華同乳霜既比例調校到啱啱好，唔怕用家亂調比例而影響效果。