NIVEA

細胞激活抗皺緊緻修護眼霜

Nivea細胞激活抗皺緊緻修護眼唇霜，產品標示除咗可持續48小時保濕外，只要用一星期，眼周肌膚可更緊緻、柔嫩。細紋及魚尾紋明顯亦可減淡20%，聽落好心動。呢款眼唇霜更適合搽係唇周、法令紋同虎紋位置，減少幼纹出現！首先眼霜係白色乳霜狀，質感薄身，用後覺得質地輕盈，非常容易推開，流動性好唔錯，唔算好黏立，容易塗開至眼周，潮濕天氣下使用亦無太大負擔。我下眼位置有輕微眼紋，使用後眼紋明顯減淡，泡泡嘅眼肚亦有撫平效果，眼周乾燥問題亦有改善。將眼霜分成幾粒小點，點在眼周再輕輕推開，配合打圈按摩，會更加容易吸收，吸收後亦不油不膩。用了一星期左右，觀察到無因為使用產品而引發油脂粒，覺得眼袋位置去除左浮腫，眼皮亦有輕微提升，幼紋變得冇以前咁明顯，算係有撫平幼紋功能，產品帶有滋潤性，及延緩衰老作用。總括而言，使用感覺非常良好。