NARS

Light Reflecting™ 原生光亮肌卸妝油

多謝 @cosme & @NARS 揀選我去試用全新 Light Reflecting™ 原生光亮肌卸妝油！平時用開NARS嘅化妝品，今次終可以試埋NARS skin care~ ^^

唔同類型同牌子嘅卸妝產品我都用過，從專櫃到開架品牌，卸妝油到卸妝膏，始終都係卸妝油最適合我呢種混油肌。全新 Light Reflecting™ 原生光亮肌卸妝油係我用過嘅卸妝油入面質地最輕盈清爽，唔會有黏膩感，兩揼已經夠全面卸妝，好易推！按摩卸妝同乳化個陣都唔會有摩擦感同拉扯感，咁就唔使擔心會卸妝卸到有細紋～

我平日番工會化淡妝，用Light Reflecting™ 原生光亮肌卸妝油已經可以徹底卸除日常妝容同污垢灰塵，後續唔使再用洗面產品。放假出街就會化濃妝，我會用防水化妝品黎維持妝容，啱晒用嚟測試卸妝油嘅潔淨力！Light Reflecting™ 原生光亮肌卸妝油竟然可以一次卸乾淨防水眼線同眉gel，平時我要另外再用眼唇卸妝液卸除眼妝，而家慳番呢個step，啱晒我呢啲追求快同方便嘅懶人XD 最難卸嘅睫毛液都係兩次就卸乾淨，讚！卸眼妝好難避免唔入眼，但要大讚Light Reflecting™ 原生光亮肌卸妝油就算入眼都冇不適，溫和唔刺眼，而且乳化後都冇模糊視力，因為平時啲卸妝油入眼，我要洗好多次先睇得清楚嘢><

我最鐘意嘅係用Light Reflecting™ 原生光亮肌卸妝油卸妝之後，皮膚依然好水潤，唔會有過度清潔嗰種乾燥繃緊感，因為冇洗走到皮膚嘅天然皮脂，仲透出自然水潤光澤，朝早趕時間用完真係化妝水都唔使搽XD 唔好以為佢咁輕身就唔夠清潔力，反而用NARS卸妝油按摩完之後毛孔啲黑頭粉刺浮晒出嚟，加水乳化再輕輕一推就清到！如果平日淡妝用完佢卸妝，就唔使再用洗面奶，避免過度清潔，而且可以避免洗走原生光亮肌卸妝油個養膚功效！


以往用其他品牌卸妝油，一係就好難洗乾淨，洗極都有黏膩感；一係就卸唔乾淨，後續一定要用洗面乳再清潔一次。Light Reflecting™ 原生光亮肌卸妝油可以一支解決以上嘅問題，大推同我一樣追求方便、高效率，又唔鍾意黏膩感嘅朋友仔使用！^^