L'ORÉAL PARiS

超水光精華水

L’ORÉAL PARIS 超水光精華水

多謝 @cosme 抽中我試用 L’OREAL PARIS 全新升級「超水光」全套系列💜

30+之後真係開始覺得，皮膚嘅水潤感同以前差好遠🥲 加上我平時長時間坐office，日日對住電腦兼長開冷氣，最明顯就係兩邊面容易乾，望落有少少暗啞同攰，就算化妝有時都會覺得個底妝唔夠貼。

今次首先試超水光精華水，我幾鍾意佢個質地，唔係好似普通化妝水咁一倒就流走，而係帶少少潤感，但上面又唔會黏笠。我通常洗完面直接用手輕拍，吸收得幾快，之後再搽精華都幾順。

連續早晚用咗一星期左右，最有感係皮膚摸落冇咁乾，尤其朝早起身塊面會有種自然水潤感✨ 膚色望落都精神咗，對於長期坐冷氣房嘅OL，我覺得作為保養第一步幾舒服，亦幫後續護膚打好個底，推薦😍