L'ORÉAL PARiS

超水光精華乳

今次有幸抽到試用L’ORÉAL PARiS全新升級「超水光」系列，一次過試哂
Step 1 超水光精華水
Step 2 超水光精華
Step 3 超水光精華乳
我會嘗試分開講下用嘅感覺，同俾大家睇返全系列早晚使用一星期嘅效果。香港天氣又熱又濕，護膚最後一步我自己比較怕用太厚重嘅乳霜，尤其朝早要化妝，搽完太滋潤，底妝反而容易移位。我本身係混合性偏乾皮膚，太潤太乾都唔得，所以Step 3精華乳我期望嘅係做到滋潤同清爽之間嘅平衡。唧出嚟就係好推嘅乳液狀，唔會好油亦都唔會好水。睇返盒背資料，配方同樣有PDRN、玻色因PRO同超分子B3，再配合透明質酸等保濕成分，所以除咗鎖水之外，亦繼續針對水光、提亮同抗老。

✅ 輕潤透薄

呢枝精華乳嘅定位係最後一步封存養分鎖水，但佢唔會有一大層厚厚嘅護膚品停留喺皮膚表面，亦都唔會有好焗嘅油感。
我自己覺得佢對我皮膚嘅潤度係啱啱好嘅，但如果油肌就可能會覺得太潤，始終佢係搽完都仲有存在感嘅類型。

✅ 可於妝前使用

呢枝精華乳有一層滋潤感，但唔會太油令底妝移位，亦到冇同底妝打交出擦膠碎嘅情況，係可以喺妝前使用嘅。

整體我覺得都係一枝合格嘅乳液，但單用佢係唔會有超強水光感，你要視覺效果都係要配合超水光精華去使用。

以下就係我用咗一星期全套產品之後嘅效果。同一光源下影嘅相，可以見到有明顯嘅光澤感。