L'ORÉAL PARiS

超水光精華乳

好多謝被@cosme抽中試用L’OREAL PARiS既全新升級「超水光」系列超水光精華乳

最近開始試全新升級嘅「超水光」系列，之前一直聽講佢哋既 PDRN 同玻色因 PRO 好出名，今次終於可以一次過試齊超水光精華水、超水光精華同超水光精華乳。我本身皮膚偏乾，T字位有少少油，膚色成日好暗沉，仲有D細紋同鬆弛問題，法令紋同眼紋越來越明顯，長期對住電腦真係好傷皮膚。用咗大約一個星期，覺得皮膚真係有明顯改善。

超水光精華乳既外型都係用高級紫色同銀色既瓶身，乳液係支出黎既，唔洗驚倒出黎怕倒多左。雖然係乳液，但佢既質地係好輕潤透薄，搽上面好順滑，延展性好好，亦冇咩香味，吸收後皮膚有一層淡淡既滋潤感但唔會覺得黏笠。佢可以代替面霜用，做最後一步封存鎖水。

用左一星期，最明顯係膚色冇咁蠟黃，多左種自然既玻璃光澤同透明感，膚色均勻左，暗黃減少，多左種自然既光澤同透明感，就算素顏望落都精神左。細紋方面，配合埋精華水同精華一齊用，我覺得佢有幫手淡化左少少，尤其額頭既乾紋冇咁現，毛孔都好似收細左少少，皮膚摸起來更加緊緻彈潤。依支超水光精華乳就算而家天氣咁熱咁濕，搽完都唔覺得有負擔。
。

試完依3個「超水光」系列產品，覺得水光效果真係做得好好，一星期就可以咁有效果，可以媲美到出面做既水光療程，但而家係無針無痛，自己都放心D。而且依三樣產品都唔會因為夏天而令我有覺得唔舒服或黏笠既感覺。我會繼續使用，相信長期用效果會更加好，就唔洗再出去做水光療程啦!