L'ORÉAL PARiS

超水光精華乳

感謝 @cosme 抽中試用 L’OREAL PARiS  呢套全新升級嘅超水光系列注入三大核心成分：獨家專利醫美級 PDRN、超分子 B3及玻色因 PRO可以一次過試晒 Step 1 超水光精華水、Step 2 超水光精華液同 Step 3 超水光精華乳
首先講下最近我皮膚嘅狀況：混合偏油 T字位容易出油 兩頰偏乾 最近因為煲劇好夜訓加上成日對住電腦膚色暗黃 缺水 鼻翼兩側毛孔明顯 眼尾同法令紋位有啲淺層乾紋
L’OREAL PARiS  超水光系列三支都紫色玻璃瓶設計 先介紹下Step 1 超水光精華水係扭蓋倒出嚟用 瓶身有d重量 每次用都好小心怕會打爛 依支精華水係透明水狀 流動性高 質地真係好清爽 一啲都唔黏真係好水咁 有微微嘅香味無酒精味
Step 2超水光精華液 我之前已經寫過試用報告 而且一直有使用，感覺唔錯 電鍍紫色嘅玻璃瓶瓶身兩邊有兩個凹位好揸手 好喜歡佢依重滴管設計 非常好控制用量 又衛生 透明嘅水感嘅凝露狀 流動性強 一搽上臉就好快吸收 皮膚即刻有種飲飽水嘅感覺 但完全唔黏 後續擦其他嘢都無負擔
Step 3 超水光乳液玻璃瓶唧泵設計 唧出黎係白色乳液質地水潤輕盈完全唔黏笠膚感好舒服完全無厚重感
一整套超水光系列使用感覺 整體效果吾錯 塊面睇落飽滿透亮 提亮效果明顯 而且摸落去皮膚柔嫩咗無之前咁粗糙不過講到保濕 我就覺得一般 雖然搽完即刻好水潤 但鎖水一般 夜晚開冷氣瞓覺 幾個鐘之後塊面就開始覺得有啲乾另外用咗幾日之後，額頭同下巴位生左幾粒痘痘可能係偏滋潤或者係我皮膚我未完全適應
補充： 至於 Step 2 嘅超精華液 我之前已經寫過試用報告 而且一直有使用 感覺效果唔錯 皮膚出油冇咁多