M.A.C

亮肌輕透精華氣墊粉底 #鎖光小金盒

感謝抽中提前試用🙏🏻呢個鎖光小金盒幾好用，我係N12色號。呢個氣墊粉底質地都輕身同貼服，每次沾少少輕拍按壓個效果都算自然，令到膚色均勻咗。個粉撲有尖尖地嘅位，方便搽喺眼底同埋鼻翼位。
我本身黑眼圈好深，冇搽遮瑕膏之前都叫做遮到啲黑眼圈，所以遮瑕度都還可以，當然後面我都要用返遮瑕膏。

我最鍾意係呢隻cushion真係比較保濕，因為我皮膚偏乾，好多時化底妝都會有啲一噠噠或者浮粉同卡紋，但可能因為呢隻有保養成份可以提高水潤度，帶妝嘅時候都唔覺得塊面乾，化完妝7個鐘之後都冇甩妝同班駁，反而皮膚出油之後再靚咗。（我係用laneige蜜粉定妝）

以下係實測圖，雖然光源唔同難實際比較到，但肉眼睇係幾貼服。比起我之前用嘅Bobbi Brown黑盒氣墊粉底好似更加保濕同貼服，本身用嗰隻都唔差，但係呢個都幾有驚喜。不過因為最近香港都多落雨，要睇吓之後陽光猛烈嘅時候會唔會維持到相同嘅效果。