M.A.C

亮肌輕透精華氣墊粉底 #鎖光小金盒

今次有機會試用 M·A·C 全新【亮肌輕透精華氣墊粉底 #鎖光小金盒】，用咗一段時間後，我覺得佢最吸引我嘅地方係上妝後嗰種自然透亮嘅光澤感。粉盒採用金色設計，外觀精緻又有質感，放喺化妝袋入面方便攜帶，出街想補妝都好方便。

我平時會先用粉撲輕輕沾取適量粉底，再由面頰開始，用輕拍方式慢慢印開，之後再加強鼻翼、眼底同嘴角等容易顯得膚色唔均嘅位置。建議唔好一次過攞太多粉底，少量分層上會更加均勻貼服，妝感亦會比較自然。

用後感覺佢質地幾輕盈，搽上面唔會有厚重或者焗住塊面嘅感覺，同時可以修飾膚色唔均、輕微泛紅同暗沉問題。妝效唔係好厚嘅遮瑕妝感，而係令皮膚望落更均勻、有精神，同時保留到本身皮膚嘅自然質感。到咗下晝如果鼻翼或者額頭有少少出油，我會用粉撲喺局部位置輕輕補一補，效果都幾自然，唔會太容易顯得一撻撻。

整體嚟講，我覺得呢款氣墊粉底適合鍾意自然、輕透、帶有光澤感底妝嘅人。平日返工、出街或者趕時間化妝時使用都幾方便，可以快速上妝！