M.A.C

亮肌輕透精華氣墊粉底 #鎖光小金盒

MAC全新的氣墊粉底包裝有額外驚喜，盒面的金色鏡面不是普通平面的鏡子，剛好照到整張臉（還有小面美肌的濾鏡效果🤣）十分方便完妝後快速查看整體效果：p 我的皮膚屬於混合乾肌，偏好輕薄、有光澤的妝容，試用這款鎖光小金盒後，感覺完全貼合我的需要。 粉撲的設計貼心，有角有弧度，偏薄的設計感覺更貼膚精準，而且不吸粉。 粉底的質地延展性十分高，取非常少量的粉底已能撲開全面。雖然如此，仍有不俗的遮瑕效果，能修飾面色，將我臉上的偏紅、凹凸瑕疵及毛孔都撫平均勻，完妝後有一種原生的素顏感，近看不會有粉感，不顯細紋。而且調色自然，不會死白。 由化妝直至我回家洗澡卸妝，足足過了14小時，整體妝容仍然能保持住，不會暗沉，只有些許瑕疵開始顯現出來，有輕微的脫妝。 對偏好輕薄底妝的我而言，這款氣墊已經無可挑剔，以這個價錢來說，效果令人感覺驚喜，推薦有同樣偏好的人一定要試試。

多謝 @cosme 邀請試用M·A·C 全新【亮肌輕透精華氣墊粉底 #鎖光小金盒】😊我係混乾肌 呢次試用N11🙆🏻‍♀️ 色號對我嚟講偏白 平時淨係簡單化個底妝就出街嘅我，最怕厚重同又乾又卡粉。MAC新出呢款Cushion滿足到我對「偽素顏」嘅想像！佢有79%保養成分，質地輕盈柔滑，拍上臉好似融進皮膚咁水潤舒適，層層疊加都完全唔厚重。岩岩上妝係清透光澤，持妝一陣後會轉化成由內而發嘅原生透亮肌，又唔會變油光。遮瑕同毛孔柔焦效果驚喜之餘，仲可以抗汗抗氧化全日貼服，我習慣每次化妝最後都會加番少少碎粉定妝。香港天氣嚟講，比起啲易出油或太厚重嘅氣墊，佢可以自由掌控妝效，輕鬆打造到質感嘅天生好皮膚🫰🏻輕手一下都可以拍全面～

感謝@cosme 給予試用機會 今次收到既顏色係N11, 原先上手swatch 都驚唔啱色，不過上到面又意外幾貼合我中性一白膚色，呢隻氣墊粉底識得自動追色，唔錯😌 用品牌既粉撲直接上，coverage 較高，我習慣再用粉底掃薄薄印一印全面，毛孔遮得更好之餘，妝感既更自然 呢隻cushion 幾有驚喜，持妝幾好，6小時出油後，稍微用紙巾印一印就係圖二效果。整體無論妝感細緻度定係持妝，絕對比得上更貴既cushion, 屬於我會回購既程度, 我會睇埋NC10色號😇 呢款氣墊粉底推薦比偏乾肌，保濕度不俗，只要靠櫃試啱顏色就值得入手

​我本身係混合偏乾肌，眼下較乾，T 字位容易出油，仲有少少雀斑同毛孔問題。呢款 Cushion 上面真係超級貼服！質地輕盈唔卡粉，上咗一層之後毛孔瞬間修飾咗大半，皮膚睇落好平滑，遮瑕力中等。我自己配合定妝噴霧一齊用，全日都好持久、唔會話甩妝甩得好勁，同時有控油又唔乾，唔會成面油光，整體保濕得嚟好透氣。 ​美中不足係我自己揀錯咗色號，揀咗比本來膚色暗同偏黃嘅色，所以上面後睇落暗咗一度，黑眼圈亦要另外遮瑕。不過單論佢修飾毛孔、持妝同貼服度，表現幾好！下次揀啱色號嘅話，我會回購！

首先多謝@cosme 抽中試用 本身都有用開mac 小黑盒 cushion, 感覺都幾好, 所以今次出小金盒都幾期待睇佢表現 呢個cushion 蘊含79%保養成分，即時補水提升2.3倍水潤度，所以上面既時候都唔會有種崩緊既感覺 而且可以12小時舒適持妝抗汗、抗濕氣, 對於易出汗既我, 更加期待, 特別最近既天氣十分熱, 經過全日落黎, 都係額頭出油位置有少少甩妝, 係可以接受既程度 圖3 before 係岩岩上妝, after 係上妝8個鐘之後, 氧化程度偏低 如果本身用緊小黑盒而又係混乾肌, 小金盒會更加適合

我本身係非常鍾意用氣墊粉底，專櫃、日韓開架品牌我都會用，用專櫃品牌佢標榜有護膚成份自然更加好，而呢隻M.A.C亮肌輕透精華氣墊粉底-鎖光小金盒除左外表極華麗之外，正正有呢個好處！ 因為化妝最怕溶妝一撻撻，而我皮膚係混合偏乾，但T字位又容易出油，所以佢蘊含79%保養成分，即時補水提升2.3倍水潤度，咁就可以令塊面唔會因為乾而出油。 我第一次試用特登揀喺搭飛機皮膚最容易乾嘅時候，約4個鐘航程，對比起我本身用緊嘅日本開架品牌，T字位的確係好明顯冇乜點出油，冇乜點溶妝。 M.A.C呢隻亮肌水潤度係唔會令到你睇落油光滿面，但佢唔係霧面，係會有少少光澤感，因為我近期覺得自己皮膚黃左，所以就好鍾意呢個效果。 我用氣墊粉底係鍾意輕透貼服，M.A.C呢隻個質地係好絲滑，遮瑕度好好，輕輕薄拍已經遮晒毛孔，但如果臉上有比較深嘅斑建議唔好夾硬狂拍到100%遮晒，用番遮瑕產品局部遮會d。

薄薄一層搽上面，Mac亮肌輕透精華cusion粉底遮瑕度都好高，幾乎做到零毛孔膚質；加上佢獨特海綿設計令光感層次提高，提升自然透亮會呼吸的底妝！ 望落去更加輕盈貼膚！用小金盒嘅海綿薄薄的不斷拍打咕𠱸粉底上面好似變魔術咁🪄會越拍越亮，1分鐘便能塑造出透薄妝效！ 最amazing係✨搽完之後肌膚好水潤光澤💦好似用咗美肌功能咁，望落去滑捋捋！妝感貼服亦好自然！ Mac亮肌輕透精華cusion粉底小金盒持久度都好高呢排keep住氣溫大概30度💅化咗妝6-7個鐘之後都能保水潤光澤keep住0毛孔狀態；🧖🏻‍♀️就算出咗汗/面油都冇影響成個妝容🌟依然保持提亮！ #鎖光小金盒

多謝@cosme 提供產品試用。 產品名稱:M.A.C 鎖光小金盒 試用色號:N12 我係一個混合偏油性及敏感肌，粉底上臉後呈現自然細膩的水光感，而非油亮感；能有效平滑肌膚紋理與乾紋，呈現飽滿「鎖光」通透感。 輕按一兩次約 5–6 成遮瑕，能夠遮蓋斑點，均勻膚色及修飾泛紅效果極佳，如果有深色斑或暗瘡印需疊加第二層，但疊加唔會顯得厚粉。 精華成分保濕度高，鼻翼與法令紋無卡粉或斑駁現象，整天不起皮。 帶妝 8 小時後僅 T 區微泛油光，落妝後都唔覺皮膚乾，非常好用

非常感謝 @cosme 提供產品試用。 產品名稱:M.A.C 鎖光小金盒 試用色號:N12 本身皮膚膚色較深和帶有色斑，是混合性乾肌，粉盒帶有精華成份，輕拍上面一層已經感覺到遮瑕磨皮效果和水潤，亦都有均勻膚色，提亮功效。 持妝10小時後，只有輕微脫妝。全日於室外沒有補過妝，卸妝後皮膚都不會太乾，可能因為有精華成份。

謝謝 @cosme 抽中！第一次試用 M.A.C 亮肌輕透精華氣墊粉底，表現非常驚艷！我係混合性偏乾肌，上臉後保濕度十足，完全冇乾紋或卡粉問題，仲帶有自然高質感嘅奶油光澤。 遮瑕力亦遠超預期：輕拍一層就能修飾八成泛紅，針對雀斑同荷爾蒙斑，只需喺局部稍微疊加，就可以完美隱形，妝感依然輕薄透亮、唔厚重。持妝幾小時後微微出油反而更貼服，展現出「好似天生好皮膚」嘅立體光效，非常推薦乾肌或混乾肌入手！ 整體感覺很好，推薦新手試用！ #火熱新品

今次用左嘅係M.A.C嘅鎖光小金盒 我嘅皮膚係混合性乾性皮膚，但係最近有小小泛紅同下巴有暗瘡 呢個氣墊粉底真係對得住佢個名，可以合埋眼入手。 首先不得不讚嘅係佢嘅遮瑕度，按一下已經可以遮左我下巴嘅大暗瘡。按一至兩下已經夠cover哂全面。 另外一上左面之後就已經立即睇倒有磨皮嘅效果，好似加左filter感，面上帶小小光澤，有韓妹水光肌嘅效果。而用左全日又唔會變油面。 依家夏天出左街8個鐘左右都完全冇脫妝，可以唔洗補妝！ 今次係我第一次用M.A.C嘅cushion，佢比我平時用開嘅韓國cushion遮瑕度更加高而且持久性都好高。用哂後值得回購！

M.A.C 亮肌輕透精華氣墊粉底＃鎖光小金盒，妝效系透薄嘅光澤感。盒身是黑金色鏡面配搭，外觀精美，氣墊設計適合帶出街補妝用，十分方便。粉底質感貼服，不會有粉感，容易上妝，遮瑕度就屬於中等，可重點疊塗增加遮瑕度，有修飾毛孔的效果。色號是Nw11色，相對較黑，白一個色號會適合d。

試用了M.A.C這款精華氣墊粉底，質地輕透貼服而且延展性高，輕輕薄拍已經遮晒毛孔，做到均勻膚色及透亮的效果，妝面有少少光澤感，遮瑕度不錯，薄薄一層已經可以遮到8成瑕疵，暗沉及黑眼圈也遮到，而且唔會覺得太厚妝，帶妝了一整日，T字位有出油同少少浮粉，整體來講很不錯。

M.A.C亮肌輕透精華氣墊粉底，外盒係金色帶有反光感覺優雅，而且入面配埋六邊形粉撲，非常好用，細微位置都可以搽到，色號係NW11，拍上面唔會好黃幾自然妝感，泛红同浅痘印都遮到，而且有79%保養成分，能即時補水，係一款養膚級嘅粉底。

用後做到均勻膚色及透亮，香港夏天唔會室外行一陣就融妝，脫妝，唔需要擔心流“白汗”，返工8個鐘都唔需要補裝，普通雀斑、泛红、浅痘印都Cover到，但深色暗疮或黑眼圈要另加遮瑕膏。 重點唔會黐笠笠，使用簡單方便。

多謝@cosme 邀請我試用 MAC 鎖光小金盒。 我係混合性偏乾肌，今次呢個氣墊粉底比黑色果款更加補濕，如果偏油肌膚夏天使用需要做好控油。 MAC 鎖光小金盒俾我想像中更加好用，延展性超好，薄薄一層就可以遮到7-8成瑕疵，一上妝個妝感超自然超靚，帶妝一整日都好服貼，冇乜點甩妝，而且膚色都唔會變暗，改善咗佢哋粉底會暗沉嘅缺點。 用咗幾日都唔會覺得佢會焗住個皮膚，卸咗妝之後皮膚都唔會變差，整體上我都好滿意！

這款氣墊粉底塗上臉輕薄得黎又有透亮嘅感覺屬於自然妝感，不結塊、不卡粉，有養膚成分，上妝後妝感貼服持久，自然的光澤感，同時可以遮蓋到泛紅同小瑕疵，即時修飾粗大毛孔，同埋附送嘅六角型粉撲方便於眼周和鼻翼位置精準上妝。

盒表面反光，唔洗開盒都可以快速照鏡，非常方便。 粉撲取粉均勻，容易推開，不會吸收粉底，沒有殘留。原本泛紅、黑眼圈位置、大毛孔、色素沉澱位置，按壓一次已經足夠覆蓋全面。粉底質地透薄、輕盈、延展性高，冇面具感。上面後光澤度明顯提升。敏感濕疹肌膚都適用，剛上妝有輕微乾感，兼且需要使用定妝蜜粉，否則容易脫妝。帶妝全日都冇明顯氧化色差，全面控油ok，冇太溶妝斑駁，妝感保持清透亮澤。

試用咗NC10色號✨ 本身都擔心會有面具感，但出到嚟係光澤奶油肌！三十幾度天氣下持妝八小時，都keep到七八成妝容，有驚喜！

第一次試用Mac嘅cushion，覺得好有驚喜，首先妝感好有靚嘅水光奶油肌，上完會有一層好靚嘅光澤感，唔會成膜，因為皮膚太光，我會上多一層蜜粉去定妝，持妝度好好，暫時連續用咗五日，都仲係好鍾意！外觀包裝好靚，輕巧細小，放落細袋都夠位，補妝好方便，整體嚟講好滿意，相對於夏天覺得比較適合喺冬天用