NIVEA

極潤低敏無香修護乳霜

多謝Cosme抽中試用新品

身為一個長期嘅「敏弱肌苦主」，真心好想同大家分享呢款救咗我一命嘅護膚好物！
平時我啲皮膚長期乾到爆，特別係轉季，郁啲就痕、紅同繃緊，就算睇完醫生搽藥膏好返，啲皮膚都係會反反覆覆出現狀況，真心好累

老實講，當初見到 NIVEA 全新極潤低敏無香修護乳霜 標榜「3天實證穩膚」，我本身都好猶豫、半信半疑… 因為平時皮膚搞唔掂去睇醫生，要用到類固醇藥膏治理濕疹，都起碼要搽足五日先見到效果，護膚品點可能咁快？點知親身用咗之後，真係覺得佢完全冇呃人！

親測真實效果：
即時鎮靜舒緩：第一次搽上去，即刻感受到嗰種深層嘅滋潤感，原本好癢好乾嘅感覺瞬間被平復咗。

3日奇蹟褪紅：真係只係用咗兩三日，原本面上面啲退唔到嘅紅印竟然全部消退晒，成個膚況穩定咗超多！

棉被般極致貼膚：質地真係非常柔滑，搽上身同面嗰種感覺，好似夜晚瞓覺蓋緊一張極柔軟嘅棉被咁，超級襯膚又舒服！一抹即溶又好快吸收，完全唔會起屑或者黏笠。

冷氣房護膚神器：平時留喺冷氣房皮膚好容易乾爭爭，但搽咗佢之後，感覺好似有一層水膜包住皮膚咁。第二日瞓醒起身，皮膚係滋潤得嚟完全唔黏笠！

大罐粗用唔心疼，性價比極高：成甖容量超大，除咗搽面之外，仲可以順便搽埋手腳同全身。成分好又咁大件，日日豪搽都不心疼，CP 值簡直高到爆！

0香料酒精超安心：完全無香味，冇加入化學香料同酒精，感覺少咗好多化學成份，用起來特別安心，完全唔怕會二次刺激皮膚。

如果你同我一樣，皮膚極度容易敏感、乾到發紅，真心強烈推介一定要試吓這盒乳霜，絕對係敏弱肌嘅救星！