AHC

第10代超緊緻全臉眼霜

多謝@Cosme邀請我試用AHC 第10代超緊緻全臉眼霜，以下係我用咗兩星期嘅使用心得：

我嘅肌膚困擾

隨住年紀開始大，加上成日捱夜睇手機，我對眼附近出咗好多乾紋同細紋，塊面又好似冇以前咁有彈性，輪廓有啲鬆，jawline 冇咁清晰。素顏嗰陣成日都覺得塊面暗啞冇光澤，黑眼圈又深，睇落好攰好冇精神。相信主要都係因為長期熬夜、低頭睇電話，加上表情多，搞到眼周同全臉肌膚都走下坡。

質地同膚感

呢支眼霜質地好柔滑，好容易推開，搽上面嗰陣覺得好滋潤但一啲都唔黏膩，吸收得快，唔會話油淋淋或者黐立立。就算夏天用都覺得舒服，冬天用又夠潤，全年都用得。

緊緻效果

持續用咗一段時間之後，我覺得塊面真係緊緻咗，飽滿咗，摸落去有彈性。最明顯係下顎線同輪廓位，感覺有提升，塊面冇以前咁鬆垮垮，睇落精神咗。

修護效果

佢好溫和，搽上眼都唔會話刺眼或者敏感，就算我啲皮膚有時唔穩定，用佢都覺得好舒服，有效舒緩同穩定膚況。

煥亮效果

用咗一排，眼周膚色均勻咗，冇以前咁暗沉，素顏嗰陣都覺得塊面有返光澤，睇落精神好多。至於面上嘅淡斑效果，我覺得都有幫助，啲斑冇以前咁明顯，整體膚色亮白咗。

使用情境

我覺得呢支全臉眼霜最適合早晚護膚嗰陣用，尤其是夜晚洗完面，趁皮膚仲濕潤嗰陣搽，按摩吓塊面同眼周，效果更加好。朝早用都得，可以幫塊面保濕同打底，之後化妝都會貼服啲。

同其他眼霜比較

同我以前用過嘅眼霜比較，呢支優勝在夠全面，唔止眼周用得，全臉都用得，一支搞掂。而且佢質地舒服，唔黏膩，緊緻同煥亮效果都明顯過其他品牌。

第10代升級表現

我曾經用過上一代，覺得第10代升級版喺緊緻同煥亮方面表現更好，效果更快更明顯，而且按摩頭設計更加方便使用，好貼合眼周同面部輪廓。

整體感受

整體嚟講，我最鍾意呢支眼霜夠晒方便，按摩頭好易用，唔使特登用手指捽。用完之後塊面真係健康咗、亮澤咗，斑都淡咗，眼周同全臉都緊緻飽滿，睇落後生咗。真心推薦俾同樣有鬆弛、暗沉同細紋困擾嘅朋友試吓！