KANEBO

彈潤盈采精華乳液

感謝@cosme抽中試用Kanebo 彈潤盈彩精華乳液 及 煥采能量臻養修護霜

年齡日漸增長，加上日曬，熬夜等等嘅因素
面部肌膚都易出現乾紋，缺乏光澤。。。
望落都好似好攰咁嘅樣。。。
今次幸運被抽中試用產品
實在令人期待

今次先分享下 Kaneno彈潤盈彩精華乳液
呢支精華乳液旨在改善下垂疲態、欠缺彈性嘅肌膚
真係啱哂我呢啲初老肌

而且產品好注重保濕，加入左獨家專利成分TAISHITM Lipo b,務求令到我哋用家一抹就可以感受到乳液同肌膚融合般貼服吸收，將我哋平時儲埋嘅乾燥細紋瞬間撫平，令肌膚呈現飽滿、有彈性嘅豐潤質感。

另外最緊要嘅係注入咗已證實可以於基底膜提升細胞反應活性嘅高濃度山楂果萃取物，提升細胞之間嘅訊息傳遞，令我哋嘅肌膚細胞自己促進自身嘅透明質酸同膠原蛋白增生，即係教識我哋嘅肌膚自我修復，呢點真係好緊要！再配合埋緊緻彈潤配方，令我哋可以全方位重塑立體緊緻嘅年輕肌膚。


質地方面係滋潤嘅，同埋小小厚實，未至於係流動性嘅乳液咁樣，屬於易推得黎又覺得滋潤

搽上面之後，用上42秒魅力提拉按摩法

由額頭打圈出發，到眉心>太陽穴>jawline>唇部上方>唇角兩側

肌膚完全係瞬間吸收，由原本洗完面之前有乾乾地嘅感覺，到搽完之後好似有層coating 咁保護肌膚
而且係唔會覺得笠痴痴，整體係彈潤得黎firm左
連續用左十日之後。。。最明顯係素顔時整體係無咁暗沉，有左光澤，望落去精神左
乾紋都小左，同埋緊緻咗

jawline 未算太明顯。。。可能用耐嘅效果會顯著啲

但整體真係唔錯
尤其係適合長期喺冷氣房嘅人，同埋出入會被日曬嘅人
夏天、秋天都會啱用
早晚搽完感覺protect 一整日
令到肌膚更年輕！