KATE TOKYO

零瑕肌密蜜粉

超冷門Kate碎粉 唔使highlight都自帶Blingbling✨

其實好多人同我一樣，化妝嗰陣懶懶閒，成日會飛咗定妝呢步。步驟係細，但真係好鬼重要！如果唔定妝，就算你用幾千蚊嘅粉底，都一樣會溶妝溶到一撻撻。身為精緻嘅豬豬女孩，點可以俾呢種事發生㗎？

🔊揀啱自己嘅定妝碎粉，就係靚妝嘅好開始！

♥️如果你budget喺150以內性價比最高嘅定妝粉！佢得6g，細細盒，好啱帶出街補妝，學生哥學生妹入手都完全冇壓力！

♥️粉質夠晒幼滑，上塊面可以做到隱形毛孔，打造霧面妝感，好輕身之餘仲有少少遮瑕度！我手上呢盒係帶幼細珠光閃粉嘅，唔會誇張，但係有光射到嘅時候，就會見到Blingbling嘅水光肌效果～就算冇用highlight，都一樣可以有「高光時刻」！超啱鍾意裸妝光澤感嘅小仙女！

❌當然都有個小缺點，就係用落覺得持妝時間偏短，不過因為佢粉質幼，就算補多幾次妝，都唔會令到個妝一撻撻或者斑駁。

綜合嚟講，Kate碎粉真係好值得入手，推薦👍