INNISFREE

控油礦物散粉 (礦物控油碎粉)

有啲唔好意思仲係舊包裝嗰陣買嘅，我用到依家都未用完，仲要個盒有少少污糟。講到控油碎粉冇可能有人唔知innisfree。果然好難用相片表達碎粉，因為佢真係無色透明，搽上去只會一秒變霧面，但唔影響本身底妝嘅顏色。
粉嘅質地唔算超級細，市面上可以搵到好多幼細過佢嘅粉，但佢控油力真係超級犀利。
話說我之前試過去日本旅行由朝玩到晚，中途完全冇補過妝，我位日本朋友塊面泛哂油，但我依然保持到霧面，佢忍唔住問我係用咩產品。我會形容呢盒innisfree碎粉係唔可以完全令你唔出油，但可以喺抑壓住油光，出油之後摸落去你會覺得個底其實係有層油喺度，所以唔可以多手掂個底妝。
至於點解我用到依家轉埋包裝都未用完，係因為我係混合性乾肌，只可以用佢搽會出油嘅T字部位，乾嘅兩邊面珠就要用其他碎粉。