ANESSA

極防水美肌 UV 乳液 SPF50+ PA++++(停)(已停產)

之前一直用開Anessa金色Perfect UV sunscreen skincare gel，效果非常滿意，真係出海遊船河一整日都冇曬黑！
今次有幸獲得試用品，好開心得到金瓶嘅Perfect UV sunscreen skincare milk。買skincare gel之前一直好糾結，究竟應該買gel好，還是milk好。因為一直迷信gel比milk清爽，所以最後揀咗gel。
今次試用milk，佢嘅清爽效果真係推翻我過去對防曬產品嘅迷思！我分別係每邊手，一隻用gel，一隻用milk，萬萬做唔到，milk竟然比gel更清爽，更好推，用後毫無痴立立嘅感覺。以前用gel，搽完都會有少少黏立感，但真心覺得可以接受。估到milk係令我完全無感！講真夏天又熱又濕，我情願降低對防曬系數嘅要求，都唔想未出汗就成身痴立立！Skincare milk一次滿足我對高防曬系數同清楚質感的要求！
防曬後果方面，由於落咗幾日雨，又冇乜户外活動，所以真係比唔到好中肯嘅意見。但根據我剛過去嘅暑假嘅遊船河經驗，我對skincare milk嘅表現充滿信心！期待下次帶住skincare milk去同陽光玩遊戲！