DECORTÉ

Eye Glow Gem

去日本就一定要行藥妝店，睇吓有啲乜嘢新嘅化妝品，Decorte eye shadow喺眼影類別中嚟講好吸引，粒粒都好似寶石咁靚😍月球形狀既眼影膏🌕玫瑰金色嘅包裝睇落去係好高質😍

摸上去濕潤軟糯，顯色度高，薄薄地一層直接用手指上就得，不用技巧👍🏻一層層疊上去越嚟越顯色。佢嘅閃粉出嚟係超閃，同埋都幾持久，唔會甩到成塊面都係閃粉，出一日街都keep到。

我用既係BR301，呢隻係棕色帶少少紅調，可以加深輪廓，如果買一隻淡色小小嘅可以作為eye base好方便，有三十幾種色，容量大可以用到好耐。