SK-II

護膚面膜

講真，一開始仲心大心細，咁貴一塊面膜係咪真係值？佢塊膜布係幾厚身，同平時用開嘅唔同，但敷上臉又幾貼服，精華多到可以搽埋頸。

敷大概15分鐘，拎落嚟嗰刻已經覺得塊面光澤咗，摸落去滑捋捋，好似飲飽水咁。最明顯係第二朝起身，成個膚色冇咁黃同暗沉，毛孔都好似細緻咗，上妝真係貼服好多，冇咁易卡粉。如果第二日有重要約會或者場合，摞嚟急救真係一流。

當然啦，價錢確實有啲辣手，當係獎勵自己，或者皮膚狀態唔好嗰陣用來急救，效果都算對得住個價錢。