Clé de Peau Beauté

完美亮澤潤唇膏

嘴唇好乾，雖然每晚有用Lip Balm，但每朝仍要先搽潤唇膏打底先可以好順滑咁搽唇膏而唔起死皮。試完Bobbi Brown後就試呢枝比較下。因為驚Red會太紅但又想有少少色，改善下成塊面嘅氣色，所以買咗Pink。試用後覺得佢的確無BB咁滋潤，但反而就無咁笠，搽完等一陣會覺得佢啲油份好似比嘴唇吸收咗咁，表面啱啱好夠潤得嚟又唔會黏口。至於顏色方面，薄搽佢已經見到顏色，少少地幾自然。來回搽多幾層就會有層飽和度高嘅粉紅色嘅唇膏喺到，不過抿多幾下印開咗都可以，唔會好突兀。另外係佢種香味淡淡地，有啲花香植物香，聞落非常舒適。