NARS

AFTERGLOW 悅光護唇膏

NARS afterglow lip balm
#低調而不失優雅 #滋潤雙唇

秋冬嘴唇成日都乾燥起唇紋，甚至會甩皮，所以經常要隨身攜帶一支潤唇膏，而最近NARS 呢支afterglow lip balm 就係我嘅新寵🫶🏾

💄女生有好多支唔同嘅唇膏，更多係因為唔見咗唔知去咗邊，呢支size細細，相信都會更加容易唔見，但係相對地拎出街好方便，就算拎小廢包出街，都可以袋得落呢一支。

💄滋潤度好夠，好鍾意佢上唇之後嘅嗰種光澤感，有一種純慾女生嘅感覺。

💄 呢個系列嘅唇膏，一共有九隻色，而我呢隻色係Dolce Vita透亮土灰玫瑰色，係一種淡淡嘅粉紅色，低調得來又充滿少女感。

💄唇膏係冇香味，可以係一個加分位，又可以係一個小缺陷，因為我自己個人嚟講就偏向鍾意有少少甜味嘅唇膏，會令人開心啲。

💄整體而言，呢支唇膏都好好用，滋潤度夠，顏色又百搭，啱晒日常妝容。