ESTEE LAUDER

持久防曬粉底 SPF10/ PA++

呢枝超長持久，真係黐到實一實！出街10個鐘都唔溶妝，T位少少出油但唔會斑駁，適合香港濕熱天氣。

佢既遮瑕度十分高，一層已經蓋到7-8成毛孔同暗瘡印，慳返遮瑕膏步驟，啱晒懶人。

佢啞面後係半霧面妝感，望落皮膚好「乾淨」，唔會反光到好似油面。

缺點係保濕度一般，如果面頰本身乾，唔做好打底可能會卡粉（尤其鼻翼同法令紋位）。 而且妝感較厚，追求「偽素顏」嘅人可能會嫌佢重手，建議薄薄一層推開，或者混合精華油用。

注意係質地乾得快，上妝要分區快手拍開，唔係會「黐埋一嚿嚿」。